दराजबाट सामान किन्दा महालक्ष्मीका ग्राहकलाई छुट

महालक्ष्मी विकास बैंकले अनलाइन सपिङ प्लाटफार्म दराजसँगको सहकार्यमा महालक्ष्मी महासोमबार योजना सञ्चालन गर्ने भएको छ ।

यो योजना अन्तर्गत महालक्ष्मी विकास बैंकका डेबिट तथा क्रेडिट कार्डवाहक ग्राहकहरुले हरेक सोमबार दराज मार्फत अनलाइन सामान खरिद गर्दा विशेष छुट पाउनेछन् । 

बैंकका डेबिट कार्ड लिएका ग्राहकहरुले दराज नेपालमार्फत १९९९ रुपैयाँको सामान किन्दा न्यूनतम १० प्रतिशत र अधिकतम ७५० रुपैयाँ छुट प्राप्त गर्नेछन् । 

त्यस्तै क्रेडिट कार्ड लिएका ग्राहकहरुले १९९९ रुपैयाँको बराबरको सामान किन्दा १५ प्रतिशत वा अधिकतम १००० रुपैयाँ छुट प्राप्त गर्नेछन् । 

यो योजना हरेक सोमबार मात्र लागु हुनेछ भने सीमित संख्यामा तथा पहिले आउनेलाई प्राथमिकताका आधारमा छुट उपलब्ध हुने बैंकले जनाएको छ । 

यस प्रकारका योजना मार्फत बैंकले आफ्ना ग्राहकलाई डिजिटल भुक्तानी तथा कार्डमार्फत हुने कारोबारमा प्रोत्साहन गर्न खोजेको छ ।