ककनीले फोहोर रोकिदिएपछि पछि हट्यो काठमाडौं

काठमाडौंको मेयरमा बालेन शाह निर्वाचित भएदेखि उनले फुटपाथ व्यापारमा रोक लगाएका छन् । उनको यो निर्णय कडाइपूर्वक कार्यान्वयन गर्न नगर प्रहरी प्रमुख राजुनाथ पाण्डे सक्रिय छन् । 

फुटपाथ र सडक छेउमा सामान बेचेको देखेमा नगर प्रहरीले सामान खोस्ने र लछारपछार गरिहाल्छन् । त्यसैले अन्यत्र फुटपाथ व्यापारमा धेरै कमी पनि आएको छ । 

१० दिन अगाडि नगर प्रहरीले माइकिङ गर्दै माछापोखरीको सडकमा पनि तरकारी बेच्न पाइँदैन भन्यो । यहाँ नुवाकोटको ककनी गाउँपालिकाका किसानले तरकारी बेच्ने गरेका थिए । 

शुक्रबार बिहान किसानहरु तरकारीको भारी लिएर आउँदा त्यहाँ नगर प्रहरीको ठूलो समूह तैनाथ थियो, किसानहरुले भारी बिसाउनै पाएनन् । नगर प्रहरीले लखेट्न थालिहाल्यो । किसानहरुको भागाभाग भयो । 

तर काठमाडौंका फुटपाथ व्यापारीजस्तो ककनीका किसान चुप लागेर बसेनन् । कागती गाउँ फर्किएपछि उनीहरुले सडकमै तरकारी फाले । 

त्यसपछि काठमाडौंबाट फोहोर बोकेर आएका ट्रकहरु रोके । फोहोर रोकेपछि काठमाडौं महानगरपालिका पछि हट्यो । 

अन्तत माछापोखरीको सडकमा ककनीका किसानलाई तरकारी बेच्न दिन तयार भयो ।