मेस्सीको भन्दा रोनाल्डोको कमाइ कति बढी ?

अमेरिकी म्यागजिन फोब्र्सले पछिल्लो एक वर्षको कमाइका आधारमा धेरै कमाइ गर्ने १० खेलाडीको सूची सार्वजनिक गरेको छ । 

जसमा रोनाल्डो लगातार तीन वर्षदेखि शीर्ष स्थानमा छन् । समग्रमा भने ५ पटक शीर्ष स्थानमा रहे । 

फोर्ब्सका नुसार पछिल्लो १२ महिनामा रोनाल्डोले तलब र अफ फिल्ड व्यवसायबाट २७५ मियिलन डलर कमाएका छन् । यसमा कर र एजेन्ट शुल्क कटाइएको छैन । 

फोर्ब्सका अनुसार एक वर्ष अवधिमा यति धेरै कमाउने जीवित खेलाडी रोनाल्डो बाहेक अर्का एक जना मात्र छन् । 

सन् २०१५ मा बक्सर फ्लायड मेवेदरले ३०० मिलियन र २०१८ मा २८५ मिलियन कमाएका थिए । 

नोट गर्नुपर्ने अर्को कुरा के छ भने यो वर्ष सर्वाधिक कमाउने दोस्रो नम्बरमा रहेका खेलाडी र रोनाल्डोको कमाइ अन्तर हो । 

गत सेप्टेम्बरमा आधिकारिक म्याचमा ९०० गोल गर्ने पहिलो फुटबलर बनेका रोनाल्डो साउदी अरेबियाको क्लब अल नासिरबाट व्यवसायिक फुटबल खेल्छन् । 

उनले पछिल्लो वर्ष मात्र वेयरबल टेक कम्पनी हूपका साथै माटोका भाडा बनाउने चिनियाँ कम्पनी विस्टा एलेग्रे र सप्लिमेन्ट ब्राण्ड बोयोनिकमा समेत लगानी गरेका छन् । 

किङ्ग्सम्यान फिल्मका लेखक एवं निर्देशक म्याथु वानसँग मिलेर फिल्म स्टुडियो पनि बनाएका छन् । गत अगष्टमा रोनाल्डोले युट्युब च्यानल खोल्दा युट्युबमा यसअघि बनेका सबै रेकर्ड तोडियो । 

सर्वाधिक कमाउने दोस्रा खेलाडी हुन् स्टिभन करी । अमेरिकी बास्केटबल खेलाडी स्टिभनको कमाइ १५६ मिलियन डलर अनुमान गरिएको छ । यो रोनाल्डोको भन्दा ११९ मिलियन कम हो । 

तेस्रो नम्बरमा अमेरिकी बक्सर टाइसन फ्युरी छन् । उनको अनुमानित कमाइ १४६ मिलियन छ । 

चौथो नम्बरमा पनि अमेरिकी खेलाडी नै छन् । सकर खेलाडी ड्याक प्रेस्कटले १३७ मिलियन कमाउँछन् । 

सर्वाधिक कमाउने खेलाडीहरुको सूचीको पाँचौं नम्बरमा भने लिओनल मेस्सी छन् । फोर्ब्सका अनुसार मेस्सीको एक वर्षको अनुमानित कमाइ १३५ मिलियन डलर छ ।

संसारको कुनै पनि पुरुष खेलाडीले लिगमा त्यति महत्व राख्दैन, जति अमेरिकी मेजर लिगका लागि मेस्सीले राख्छन् । 

किनकी इन्टर मियामीमा मेस्सी आवद्ध भएसँगै लिगको रेभेन्यू र भ्यालुएसन दुबै बढेको छ । 

मैदान बाहिर मेस्सीको एडिडाससँग आकर्षक सम्झौता छ । उनले हालै मात्र रोसारियो नामक एक प्रोडक्सन कम्पनी खेलेका छन् । 

गत वर्ष उनले आफ्नै स्पोर्टस् ड्रिंक लञ्च गर्ने घोषणा गरेका थिए, जसको नाम मास प्लस हुनेछ । तर बोतलको डिजाइन मिलेको विषयमा अमेरिकी बक्सर तथा इन्फ्युएन्सर लोगन पलको प्राइम हाइड्रेसनसँग कानुनी लडाइ  लड्नुपरेको छ ।

मेस्सीको कमाइ रोनाल्डोको तुलनामा आधा मात्र छ । तर त्यसमा एउटा रोचक भिन्नता छ ।