क्रिकेट संघमा फेरि सुरु भयो राजनीतिक खेल

लुम्बिनी प्रदेश क्रिकेट संघका अध्यक्ष सञ्जय गुरुङलाई अविश्वास प्रस्तावमार्फत हटाइयो । 

सुदूरपश्चिम प्रदेश अध्यक्ष बसुलाल जोशीविरुद्ध पनि अविश्वासको प्रस्ताव तयारी अवस्थामा छ । र, अविश्वास प्रस्ताव तयार गर्नेहरुको बहुमत भएकाले जोशी कुनै पनि बेला हट्न सक्छन् 

पछिल्लो एक दशक राजनीतिले नराम्रोसँग गिजोलिएको क्रिकेट संघ झण्डै २ वर्षदेखि राजनीतिबाट टाढा देखिएको थियो । तर पछिल्लो  विवादले लयमा आउन लागेको क्रिकेटलाई फेरि विथोल्ने त होइन भन्ने चिन्ता जन्माएको छ । 

लुम्बिनी र सुदूरपश्चिम प्रदेशको विवाद हेर्दा लाग्छ, नेपाल क्रिकेट संघ (क्यान) मा फेरि राजनीति सुरु भएको छ । 

लुम्बिनी प्रदेश क्रिकेट संघको अध्यक्षबाट हटाइएका सञ्जय गुरुङले त केन्द्रीय अध्यक्ष चतुरबहादुर चन्दमाथि नै प्रश्न उठाएका छन् । 

चन्दकै सक्रियतामा आफूविरुद्ध अविश्वास प्रस्ताव आएको उनको दाबी छ । 

आखिर क्रिकेट संघमा के भइरहेको छ ? यसमा अध्यक्षको भूमिका के छ ? थप जानकारी भिडियोमा :