सर्वोच्चको न्यायाधीशमा ३ जना सिफारिस

न्याय परिषदले सर्वोच्च अदालतको न्यायाधीशका लागि ३ जनाको नाम सिफारिस गरेको छ । 

मंगलबार बसेको परिषद बैठकले वरिष्ठ अधिवक्ता मेघराज पोखरेल, उच्च अदालत जनकपुरका मुख्य न्यायाधीश श्रीकान्त पौडेल र उच्च अदालत दिपायलकी मुख्य न्यायाधीश शान्ति सिंह थापालाई सर्वोच्च अदालतको न्यायाधीशमा नियुक्ति सिफारिस गरेको हो । 

वकिल तर्फबाट न्यायाधीश सिफारिस भएका पोखरेल सर्वोच्च अदालत बार एशोसिएनका अध्यक्ष हुन् । 

अब उनीहरुको संसदीय सुनुवाइ हुनेछ । संसदीय सुनुवाइ समितिले नाम अनुमोदन गरेपछि राष्ट्रपतिले नियुक्त गर्नेछ । सर्वोच्च अदालतमा ४ जना न्यायाधीश पद रिक्त छ, तर न्याय परिषदले ३ जनाको मात्र नाम सिफारिस गरेको छ ।