बीपी राजमार्गमा साँझ साढे ६ बजेदेखि गाडी बन्द

बीपी राजमार्ग रातिको समयमा बन्द हुने भएको छ । रातिको समयमा बढीपहिरोको जोखिम हुने भन्दै साँझ साढे ६ बजेदेखि बिहान ५ बजेसम्म सडकमा गाडी चल्न नदिने निर्णय भएको छ ।

शुक्रबार बसेको काभ्रे, सिन्धुली र रामेछापका अन्तरजिल्ला सुरक्षा समन्वय समितिको बैठकले यस्तो निर्णय गरेको हो । शनिबारदेखि रातिको समयमा गाडी चलाउन रोक लगाउने निर्णय भएको रामछापका प्रमुख जिल्ला अधिकारी श्यामकृष्ण थापाले बताए ।

अब काठमाडौंबाट जाने गाडीहरु साँझ साढे ६ बजे काभ्रेभञ्ज्याङमा रोकिने छन् । काठमाडौंतर्फ आउने गाडीलाई भने सिन्धुलीको नेपालथोकमा रोकिने छ ।  

‘राति गाडी चलाउँदा विपदजन्य जोखिम हुन्छ, उद्दार गर्न पनि कठिनाइ हुन्छ, त्यसैले भोलि सूचना नै निकालेर रातिको समयमा गाडी चलाउन रोक लगाउँछौं’, रामेछापका प्रमुख जिल्ला अधिकारी थापाले भने ।