एनपीएल अक्सनका लागि खेलाडी दर्ता खुला

नेपाल प्रिमियर लिग (एनपीएल) को दोस्रो संस्करणको अक्सनका लागि खेलाडी दर्ता प्रक्रिया खुला भएको छ । नेपाल क्रिकेट संघ (क्यान) ले शनिबार एक विज्ञप्ति जारी गरी अक्सनका लागि खेलाडी दर्ता खुला भएको जानकारी गराएका हुन् । 

हालै फ्रेन्जाइज टोलीबाट रिलिज भएका खेलाडी र अक्सनमा सहभागी हुन चाहने सबै नेपाली खेलाडीले आफ्नो नाम दर्ता गराउन सक्नेछन् । अक्सनका लागि खेलाडीहरु ए, बी र सी श्रेणीमा विभाजन गरिन्छ । 

खेलाडीहरुले आफ्नो श्रेणी तोकेर नाम दर्ता गराउन सक्ने प्रवक्ता छुम्बी लामाले जानकारी दिएका छन् । खेलाडी दर्ताका शुल्क १ हजार रुपैयाँ तोकिएको छ । खेलाडीहरुले साउन ६ गतेसम्म आफ्नो नाम दर्ता गराउन सक्नेछन् ।

हेर्नुहोस् नेपाल क्रिकेट संघको सूचना