मदन पुरस्कारका लागि छानिए ७ पुस्तक

मदन पुरस्कार गुठीले २०८१ को मदन पुरस्कारका लागि ७ वटा पुस्तक छनोट गरेको छ । २०८१ सालभित्र गुठीलाई प्राप्त २९९ वटा पुस्तकमध्ये मदन पुरस्कारका लागि ७ वटा छानिएका हुन् । 

जसमा छुदेन काविमोको उपन्यास उरमाल, रमेश भुसालको यात्रा संस्मरण छालबाटो, कुमारी लामाको उपन्यास दज्र्यु संलाप रहेका छन् । 

त्यस्तै मनप्रसाद सुब्बाको कविता पञ्चतत्वको पालाम, श्रेयज सुवेदीको कथा संग्रह बहुरुपी, सुधीर शर्माको गैरआख्यान पुस्तक भिक्षु व्यापार र विद्रोह र तीर्थ गुरुङको हिउँको गीत रहेका छन् । 

मदन पुरस्कार गुठीका अध्यक्ष कुन्द दीक्षितका अनुसार यीमध्ये एउटा पुस्तकले मदन पुरस्कार पाउनेछ । मदन पुरस्कारको राशी ४ लाख रुपैयाँ रहेको छ ।