समाज

डोजरले टहरा भत्काएपछि सुकुम्बासी बस्तीमा रुवाबासी

नेपाल शो

शुक्रबार, साउन ३०, २०८२

काठमाडौं महानगरपालिकाले शुक्रबार काठमाडौंको जडिबुटीको सुकुम्बासी बस्तीमा डोजर चलाएको छ ।

मनोहरा जग्गा एकीकरण आयोजनाको जग्गामा घरटहरा बनाएर बसेकाहरुलाई धपाएर महानगरपालिकाले डोजर चलाएको हो ।

सरकारी जग्गामा केही व्यक्तिले पैसा लिएर सुकुम्बासीलाई घर टहरा बनाएर बस्न दिएको पाइएको मनोहरा जग्गा एकीकरण आयोजनाले जनाएको छ ।

घर टहरा बनाउने क्रम बढ्दै गएपछि काठमाडौं महानगरपालिका तथा काठमाडौं र भक्तपुर जिल्ला प्रशासन कार्यालयको सहयोगमा डोजर चलाएको आयोजनाले जनाएको छ ।

घर भत्काइँदा स्थानीय बासिन्दा आक्रोशित भएका छन् । उनीहरुले आफूहरुलाई पूर्वजानकारी नदिई एक्कासी भत्काएको भन्दै विरोध जनाएका थिए ।

प्रकाशित मिति: शुक्रबार, साउन ३०, २०८२

प्रतिक्रिया दिनुहोस्

नेपाल शो

नेपाल शो मल्टिमिडिया न्यूज पोर्टल हो ।

थप समाज

जेनजी शहीदका शालिक किन बेबारिसे ?