भोलि जेनजी पुस्ताले विरोध प्रदर्शन गर्ने 

२१ भदौ, काठमाडौं । भ्रष्टाचार र सामाजिक सञ्जाल बन्दको विरोधमा जेनजी पुस्ताले भोलि सोमबार प्रदर्शन गर्ने भएका छन् । 

सन् १९९७ देखि २०१२ को बीचमा जन्मिएकाहरुलाई जेनजी पुस्ता भनिन्छ । उनीहरुले भोलि भदौ २३ गते सोमबार माइतीघर मण्डलामा विहान ११ बजे प्रदर्शन गर्न लागेका हुन् । 

प्रदर्शनमा सहभागी हुन चाहनेहरुलाई विद्यालय/कलेजको पोशाकमा परिचयपत्र, कम्तिमा एउटा किताब र ए–फोर साइजको खाली कागजसहित आउन भनिएको छ । 

सरकारले शुक्रबार नेपालमा दर्ता नभएका सामाजिक सञ्जालहरु बन्द गर्ने निर्णय गरेको थियो । यही निर्णयका कारण फेसबुक, युट्युब, ह्वाट्सएप लगायत २६ वटा सञ्जाल बन्द भएको छ । 

अहिले नेपालमा टिकटक, भाइबरसहितका सिमित एप मात्र चल्ने अवस्था छ ।