घाइतेले भरिभराउ छ सिभिल अस्पताल

२३ भदौ, काठमाडौं । बानेश्वर क्षेत्रमा भएको प्रदर्शनमा प्रहरीले अति बल प्रयोग गर्दा धेरै प्रदर्शनकारी घाइते भएका छन् ।

सिभिल अस्पताल घाइतेहरुले भरिएको छ । बेडमा राख्ने ठाउँ नभएपछि लविमा राखिएको छ । धेरै जटिल अवस्थाका घाइतेहरुले समयमा उपचार समेत नपाउने अवस्था छ ।

घाइतेहरुलाई राष्ट्रिय ट्रमा सेन्टर, त्रिवि शिक्षण अस्पताल, केएमसी अस्पतालर एभरेस्ट अस्पतालमा पनि उपचारका लागि लगिएको छ । 

भ्रष्टाचार र सामाजिक सञ्जाल बन्दको विरोधमा जेनजीहरुले प्रदर्शन गरेका थिए । हजारौंको संख्यामा रहेका प्रदर्शनकारी बानेश्वर क्षेत्रमा आइपुगेपछि तनाव बढेको थियो ।

जिल्ला प्रशासन कार्यालय, काठमाडौंका अनुसार अपराह्न साढे १२ बजेदेखि राति १० बजेसम्मका लागि कर्फ्यु लगाएको छ ।

तर अहिले पनि नयाँ बानेश्वर क्षेत्रमा प्रदर्शन भइरहेको छ ।

मृतकको संख्या यकिन भइसकेको छैन । तर प्रहरीको गोली लागेर ठूलो मानवीय क्षति भएको छ ।