सर्वोच्चको नियमित सेवा अनिश्चितकालका लागि स्थगित

सर्वोच्च अदालतले बन्दी प्रत्यक्षीकरण रिटमाथि सुनुवाइ सुरु गरे पनि नियमित सेवा भने अनिश्चितकालका लागि स्थगित गरेको छ । 

आइतबार एक सूचना जारी गरी सर्वोच्चले भदौ २४ गतेको आगजनी, तोडफोड र लुटपाटका कारण बन्दी प्रत्यक्षीकरण र अत्यावश्यकबाहेकका सेवा बन्द भएको जानकारी गराएको छ । 

मुख्य रजिस्ट्रार विमल पौडेलले जारी गरेको सूचनामा भनिएको छ, ‘सर्वोच्च अदालतका नियमित अन्य सेवा प्रवाहको अर्को सूचना प्रकाशित नहुँदासम्म म्याद, हदम्याद र तारेख नगुज्रने ब्यहोरासमेत आज बसेको पूर्ण बैठकको निर्णय अनुसार जानकारीका लागि अनुरोध छ ।’

यसअघि भदौ २६ गते एक सूचना जारी गरी सर्वोच्चले अदालत नियमित सञ्चालन भएको ३० दिनसम्म म्याद, हदम्याद र तारेख थाम्न सकिने जानकारी दिएको थियो । 

हेर्नुहोस् सर्वोच्च अदालतको सूचना