बाबुरामको अपील : वैकल्पिक शक्तिहरु एक बनौं 

८ असोज, काठमाडौं । पूर्वप्रधानमन्त्री डा. बाबुराम भट्टराईले वैकल्पिक राजनीतिक शक्तिहरु एकठाउँमा आउनुपर्ने बताएका छन् । नेसपा (नयाँ शक्ति) बाट पदत्याग गरेका उनले बिहीबार पत्रकार सम्मेलन गरेर विवेकशील साझा, रास्वपा, बालेन, हर्क सम्पाङ र जेनजी पुस्ता एकठाउँमा आउनुपर्नेमा जोड दिएका हुन् । 

यदि एक ठाउँमा आउन सकिएन भने पनि बैकल्पिक शक्तिहरुको मोर्चा बनाउनुपर्ने बताए । उनले अगाडि भने, पुराना दलहरुलाई टाउको उठाउन दिनु हुन्न ।’

उनले २१ फागुनको निर्वाचन अगाडि नै संविधान संशोधन गर्नुपर्नेमा समेत जोड दिए । अध्यादेशमार्फत भएपनि संविधान संशोधन गरेर प्रत्यक्ष निर्वाचित कार्यकारीमा जानुपर्ने उनले बताए । नभए निर्वाचनबाट पुरानै दलहरु आउने दाबी गरे ।