3 Minute

मन्त्री कुलमान घिसिङ भारत भ्रमणमा जाने

नेपाल शो

आइतबार, असोज १२, २०८२

ऊर्जा, जलस्रोत तथा सिँचाइमन्त्री कुलमान घिसिङ कात्तिक १० देखि १३ गतेसम्म भारत भ्रमणमा जाने भएका छन् ।

आइतबार बसेको मन्त्रिपरिषद बैठकले उनको भ्रमण स्वीकृत गरेको सरकारका प्रवक्ता सञ्चारमन्त्री जगदिश खरेलले जानकारी दिए ।

भारतको नयाँदिल्लीमा हुने अन्तर्राष्ट्रिय सौर्य गठबन्धन (आईएसए) को आठौं बैठकमा सहभागी हुन मन्त्री घिसिङ कात्तिक १० देखि १३ गतेसम्म भारत जान लागेका हुन् ।

आइतबारको मन्त्रिपरिषद बैठकले प्रधानमन्त्री सुशीला कार्कीको मुख्य सल्लाहकारमा अजयभद्र खनाललाई नियुक्त गर्ने निर्णय गरेको छ । त्यस्तै जनसम्पर्क सल्लाहकारमा गोविन्दनारायण तिमल्सिना नियुक्त भएका छन् ।

प्रकाशित मिति: आइतबार, असोज १२, २०८२