चुनावका लागि मंसिर १ देखि १० गतेसम्म दल दर्ता

फागुन २१ गते हुने प्रतिनिधिसभा निर्वाचनका लागि मंसिर १ देखि १० गतेसम्म दल दर्ताको समय तोकिएको छ । 

निर्वाचन आयोगले सोमबार कार्यतालिका सार्वजनिक गर्दै दल दर्ताको समय तोकेको हो । समानुपातिकतर्फको उम्मेदवारको बन्द सूची पुस १८ र १९ गते पेश गर्ने कार्यतालिका छ । समानुपातिक तर्फको उम्मेदवारी दर्ताका लागि मंसिर १५ गते निर्वाचन अधिकृतको कार्यालय स्थापना हुनेछ । 

आयोगका प्रवक्ता नारायणप्रसाद भट्टराईका अनुसार प्रत्यक्ष निर्वाचनका लागि माघ २ गतेदेखि निर्वाचन अधिकृतको कार्यालय स्थापना हुनेछ । 

फागुन ३ देखि १८ गतेसम्म चुनाव प्रचार प्रसारको समय रहनेछ भने त्यसपछि प्रचार प्रसार गर्न पाइने छैन । 

हेर्नुहोस् निर्वाचन आयोगको सूचना