माइतीघरबाट डा. निकोलस भुसाल पक्राउ

विभिन्न माग राखेर बिहीबार माइतीघर मण्डलमा प्रदर्शन गर्न गएका डा. निकोलस भुसाललाई प्रहरीले पक्राउ गरेको छ ।

भदौ २३ र २४ गते भएको जेनजी आन्दोलनबाट माग पूरा नभएको भन्दै सामाजिक सञ्जालमा असोज २३ गते प्रदर्शन गर्ने प्रचार गरिएको थियो । तर जेनजीका कतिपय समूहले भने असोज २३ गते प्रदर्शनको कुनै कार्यक्रम नभएको प्रष्टीकरण दिएका थिए ।

सम्भावित प्रदर्शनलाई लक्षित गरेर माइतीघर क्षेत्रमा बाक्लो संख्यामा प्रहरी परिचालन गरिएको थियो । बिहीबार प्रदर्शनका लागि भेला हुँदै गरेका बेला डा. निकोलस भुसाललाई प्रहरीले नियन्त्रणमा लिएको हो । उनीबाहेक अन्य दुई जना पनि माइतीघर क्षेत्रबाट पक्राउ परेका छन् ।

जिल्ला प्रहरी परिसर काठमाडौंका अनुसार बिहीबार माइतीघर क्षेत्रमा प्रदर्शन गर्ने भनेर कसैले पनि अनुमति लिएको थिएन । त्यसैले त्यहाँ प्रदर्शनका लागि भेला भएकाहरुलाई पक्राउ गरिएको हो ।