जापानले पायो पहिलो महिला प्रधानमन्त्री

जापानले पहिलो पटक महिला प्रधानमन्त्री पाएको छ । मंगलबार लिबरल डेमोक्रेटिक पार्टीकी अध्यक्ष सनई टकाइचीलाई संसदले प्रधानमन्त्री चुनेको हो । 

जापानको तल्लो सदनमा भएको मतदानमा टकाइचीले २३७ मत पाइन् भने उनका प्रतिस्पर्धी डेमोक्रेटिक पार्टी अफ जापानका नेता यासिहिको नोडाले १४९ मत पाए । प्रधानमन्त्री निर्वाचनमा एलडीपीलाई जापान इनोभेसन पार्टीले समर्थन  गरेको थियो । 

जापानमा लिबरल डेमोक्रेटिक पार्टीले संसदको दुबै सदनमा बहुमत गुमाएपछि र सरकारको आलोचना बढेपछि प्रधानमन्त्री सिगेरु इसिबाले राजीनामा दिएपछि लिबरल डेमोक्रेटिक पार्टीले टकाइचीलाई अध्यक्ष चुनेको थियो । 

प्रधानमन्त्री टकाइचीले छिट्टै मन्त्रिपरिषद विस्तारको तयारी गरेकी छन् । उनले पार्टीको अध्यक्ष पदमा आफूसँगै प्रतिस्पर्धा गरेका नेताहरुलाई पनि मन्त्रिपरिषदमा सहभागी गराउने तयारी गरेकी छन् ।