फ्रान्सका पूर्वराष्ट्रपति सार्कोजी जेल चलान

फ्रान्सका पूर्वराष्ट्रपति निकोलस सार्कोजी जेल चलान भएका छन् । आफ्नो चुनावी अभियानमा लिबियाका पूर्वशासक मुअमर गद्दाफीको रकम दुरुपयोग गरेको आरोपमा सार्कोजी गत महिना दोषी ठहर भएका थिए । उनलाई ५ वर्ष जेल सजाय सुनाइएको थियो । 

मंगलबार उनलाई फा्रन्सको ला सान्ते जेलमा लगिएको हो । त्यस क्रममा समर्थकले उनको पक्षमा नाराबाजी गरेका थिए । 

७० वर्षका सार्कोजी सन् २००७ देखि २०१२ सम्म फ्रान्सको राष्ट्रपति थिए । उनी अब फ्रान्सको ला सान्ते जेलको एउटा कोठामा बस्नेछन् । उनले आफूविरुद्धको अदालतको फैसलाविरुद्ध पुनरावेदन गरेका छन् । 

जेलतर्फ जाने बेला उनले एक्समार्फत आफ्नो लामो भनाइ सार्वजनिक गरेका छन् । जसमा उनले निर्दोष रहेको दाबी गरेका छन् । 

उनलाई सन् २००७ मा भएको राष्ट्रपति चुनावको अभियानका क्रममा लिबियाका तत्कालिन शाहक मुअम्मर गद्दाफीको करोडौं रकम लिएको आरोप लागेको थियो ।