राष्ट्रिय परिचयपत्रबाट भोटर कार्ड बनाउन खोज्दा हैरानी मात्र

बिहीबार एउटा खबर खुब फैलियो : बायो मेट्रिक दिन जान नपर्ने, नेशनल आइडी कार्डकै बायोमेट्रिकबाट भोटर आइडी बन्ने । 

कतिसम्म भने पूर्वमन्त्री सुमना श्रेष्ठले त युवाहरुलाई स्माटफोन र ल्यापटप लिएर सडकमा जान र नेशनल आइडीबाट भोटर आइडी बनाउन सहयोग गर्न अपील समेत गरिन् । 

यति काइदा भएछ भने किन नबनाउने भनेर म पनि हौसिए । 

सुरुमा निर्वाचन आयोगको वेबसाइट लगइन गरेँ ।

त्यहाँ मतदाता नामावली प्रि–रजिस्ट्रेसन र अध्यावधिक भन्ने सेक्सन रहेछ । 

त्यसमा क्लिक गर्दा नयाँ नाम दर्ता वा नामावली अध्यावधिक भन्ने देखियो । 

म नयाँ नाम दर्ता गर्नेवाला थिए । त्यसमा क्लिक गरेँ । अनि फुटाफट विवरण गरे । 

सुरुमा राष्ट्रिय परिचय पत्र नम्बर राखे । अनि, जन्ममिति, र नाम । 

त्यसपछि सही उत्तर हाल्नुहोस् भन्ने छ । विवरण भर्ने रोबर्ट त होइन भनेर चेक गर्न राखिएको होला । सजिलो म्याथ रहेछ, त्यो पनि भरेँ ।

त्यसपछि राष्ट्रिय परिचय पत्र बाट विवरण प्रमाणीकरण गर्नुहोस् । 

त्यसपछि के भयो थाहा छ ? विहान १२ बजेदेखि ट्राइ गरेको अपरान्ह ४ बजेसम्म पनि सफल भइन । दिनभर प्रमाणिकरण असफल भयो मात्र भन्यो । पछि त डेटा प्रमाणिकरण हुँदैछ मात्र भन्यो । 

पहिले सिस्टम सबै चेक गरेर हल्ला गरेको भए के जान्यो ? मैले दुःख त पाउने थिइनँ नि । 

त्यसैले निर्वाचन आयोगलाई अनुरोध छ,  पहिलो सिस्टम बनाऊँ । अनि नेशनल आइडी कार्डकै बायोमेट्रिकबाट भोटर आइडी बनाउन अपील गरौं । 

अनि, तपाईंलाई पनि एउटा आग्रह छ, मतदाता नामावलीमा नाम दर्ता गर्नु भएको छैन भने गरिहाल्नुस् । म्याद कात्तिक ३० गतेसम्म मात्र छ ।