Podcasts

एमालेमा आन्तरिक लोकतन्त्र फर्कायौं, त्यसमै सन्तोष छ

नेपाल शो

मंगलबार, पुस ८, २०८२

लामो समय पार्टी सत्ता उहाँहरुले परिचालन गरेको सन्दर्भमा प्रतिनिधिहरुको उपस्थिति कमजोर हुन्छ भन्ने हामीले अनुमान गरेका थियौं । तर पनि पार्टीभित्रको आन्तरिक जनवादलाई बलियो बनाउन र पार्टीलाई पुनः लोकतन्त्रमा आन्तरिक लोकतन्त्रमा फर्काउन पार्टीभित्र विभिन्न विचारहरु प्रतिविम्बित हुन पाउनुपर्छ । प्रतिनिधिहरु सार्वभौम छन् प्रतिनिधिले महाधिवेशनमा फैसला लिन पाउनुपर्छ भन्नेस्थापित गर्ने उद्देश्यका साथ हामीले उम्मेदवार दिएका हौं ।
हाम्रा नीतिहरु कार्यक्रमहरुलाई जनताको बहुदलीय जनवादले मार्दर्शन गरेको छ । यसमा धेरै अन्तर छैन तर भदौ २३/२४ पछाडी मुलुकमा जुन परिस्थिति उत्पन्न भएको छ । यो परिस्थितिलाई बुझने, यसको कारण खोज्ने, विगतका कतिपय हाम्रा काम कारबाहीहरुलाई समीक्षा गर्ने र आउदा दिनहरुमा युवाहरुको अपेक्षा जनताको चाहनालाई सम्बोधन गर्ने गरि कतिपय पक्षहरुमा सुधार गरेर जाने सन्दर्भमा हाम्रा आफ्ना भनाइ थिए, आफ्ना सोचहरु थिए ।
प्यानलगत चुनावमा एउटा कमजोर परिस्थितिको बिचमा पनि महाधिवेशन प्रतिनिधिहरुले म, योगेश भट्टराई लगायतका कमरेडहरुलाई निर्वाचित गर्नुभएको छ । यो परिणामलाइ मिश्रित नै भन्नुपर्छ ।
हामीले पार्टीलाई सामूहिकतामा संचालन गरिनुपर्छ । पार्टीभित्र पर्याप्त मात्रामा छलफल बहस विचारहरुको प्रतिविम्बित हुने अवसर प्रदान गर्नुपर्छ । पार्टीलाई विधिमा आधारित भएर चलाइएन भने पार्टी अराजकतातिर जान्छ भन्ने कुरा हामीले उठाएका थियौं । यसलाई निर्वाचित नेतृत्वले आत्मसात गरेर अगाडि जाँदा नै पार्टीलाई बलियो बनाउने, एकताबद्ध गर्ने र जनताका अपेक्षाहरुलाई सम्बोधन गर्ने अवस्था उत्पन्न हुन्छ ।

प्रकाशित मिति: मंगलबार, पुस ८, २०८२

प्रतिक्रिया दिनुहोस्