पास हुने सबैलाई स्थायी गर, गोल्डेन हेन्डसेक चाहिँदैन

राहत शिक्षकको पेशागत निरन्तरता र सामाजिक सुरक्षा कोषमा आवद्ध गराउन माग गर्दै राहत शिक्षक राष्ट्रिय समितिका पदाधिकारीहरु काठमाडौं आएका छन् । उनीहरुले शिक्षामन्त्री र शिक्षा मन्त्रालयका अधिकारीहरुलाई भेटेर आफ्नो माग पूरा गराउन खबरदारी गरिरहेका छन् । 

यसै सन्दर्भमा राहत शिक्षक राष्ट्रिय समितिका अध्यक्ष विष्णु खत्रीसँगको कुराकानीको सारसंक्षेप : 

• हाम्रो माग मुद्दा भनेको पेशागत निरन्तरता हुनुपर्छ र सामाजिक सुरक्षा कोषमा आवद्ध गराउनुपर्छ । 

• शिक्षक संघ संगठन र महासंघले अस्थायी शिक्षकको आवाज उठाएनन् । 

• अहिले सबै शिक्षकहरु नै झोले हो, सबै एउटा एउटा पार्टीको शिक्षक संगठनमा आवद्ध भएकै छन् । 

• विद्यालय शिक्षा ऐन रोकियो, अति राम्रो भयो । त्यो विधेयक अब नयाँ ल्याउनुपर्छ । 

• राज्यले राहत दरबन्दी समस्या हो भनेर ब्याख्या गरिरहन्छ । तर राहत कोटामा खाली हुँदा विज्ञापन गरेर नियुक्ति पनि गरिरहेको छ । अब राहतको नयाँ नियुक्ति बन्द गरौं ।

• राहत कोटा जहाँ खाली हुन्छ, त्यसलाई दरबन्दीमा कन्भर्ट गरौं, यसो भयो भने राहत शिक्षक सकिँदै जान्छ । 

• हामीलाई स्थायी चाहिँदैन, हामीलाई पेशा निरन्तरता हुनुपर्‍यो । उमेर पुगेको दिन दुई पैसा लिएर घर जाने वातावरण बनाउनुपर्‍यो । 

• म स्थायी माग्ने पक्षमा छैन, बरु टार्गेट राखिदेओस् न । टार्गेट पूरा गर्न नसक्ने राहतलाई पनि फालोस् । 

• हामी सेवा प्रवेश गरिसकेको मान्छेले बाहिर रहेको फ्रेस विद्यार्थीसँग कम्पिटिसन गराउन खोज्नु हास्यास्पद हो, बरु राहत र स्थायीलाई प्रतिस्पर्धा गराओस् न हामी तयार छौं । 

• नयाँ फ्रेस आउनेहरुलाई पनि बाटो दिनुपर्छ । राहत कोटा खाली भयो भने दरबन्दीमा कन्भर्ट गरेर खुला प्रतिस्पर्धाबाट ल्याए हुन्छ ।