3 Minute

मेयरको गिरफ्तारीबीच टर्कीमा ठूलो आन्दोलन, राष्ट्रपतिविरुद्ध नाराबाजी

नेपाल शो

आइतबार, चैत १०, २०८१

इस्तानबुलका मेयर एक्रम इमामोग्लूको गिरफ्तारीपछि टर्कीमा निरन्तर विरोध प्रदर्शन भइरहेको छ । चौथो दिन शनिबार राति पनि प्रदर्शन भयो, जुन टर्कीमा एक दशकभन्दा लामो समयमा भएको सबभन्दा ठूलो प्रदर्शनमध्ये एक हो ।

स्तानबुलको मेयरको कार्यालय बाहिर विरोध प्रदर्शन सुरु हुनुभन्दा अगाडि नै प्रहरीले अश्रुग्यास हानेको थियो । तर भीड बढ्दै गयो । सास फेर्न पनि गाह्रो हुन थाल्यो । किनकी प्रदर्शनकारीलाई तितर वितर बनाउन लगातार गोली चलाइएको थियो ।

तर सडकमा भीड पटक्कै कम भएन । हरेक उमेर समूहका मानिसहरु सडकमा आएका छन् ।

प्रकाशित मिति: आइतबार, चैत १०, २०८१