खोटाङमा हेलिकप्टर दुर्घटना, सबै जना सकुशल

बुधबार खोटाङको केपिलासगढी गाउँपालिका–२ मा हेलिकप्टर दुर्घटना भयो । 

एयर डाइनेस्टीको यो हेलिकप्टरमा चालकसहित ६ जना यात्रु थिए । 

स्थानीय नागमणि राई, उनका छोरा बालकुमार, छोरी सम्झना, आफन्त लक्ष्मी राई र काजीबहादुर राई सवार थिए ।  

नागमणिकी श्रीमती मनमछी राईको केही दिन पहिले बेलायतमै मृत्यु भएको थियो । अन्त्येष्टीका लागि उनको शव नेपाल ल्याइएको थियो । मनमछीको शब शवबाहनबाट खोटाङ लगिदैछ । 

परिवारका सदस्यहरु भने हेलिकप्टरबाट गएका थिए । तर अवतरणका क्रममा हेलिकप्टर दुर्घटना भयो । बारीको डिलमा ठोकिन लाग्यो भनेर सार्नेक्रममा दुर्घटना भएको हो । 

यो दुर्घटनामा पर्दा काजीबहादुर राई घाईते भएका छन् । उनको दाहिने खुट्टामा चोट लागेको छ । उनलाई त्यहाँबाट अर्को हेलिकप्टरमार्फत काठमाडौं ल्याएर ह्याम्स हस्पिटलमा उपचार गरिदैछ ।

चालकसहित अन्य ४ यात्रु भने, सुरक्षित छन् ।