राजतन्त्र पक्षधरको आन्दोलनमा एक जनाको मृत्यु

काठमाडौंको तीनकुनेमा राजतन्त्र पक्षधरले गरेको आन्दोलनका क्रममा भएको झडपमा एक जनाको मृत्यु भएको छ । मृत्यु हुनेमा कीर्तिपुर नगरपालिका-४ का २९ वर्षका सविन महर्जन रहेका गृह मन्त्रालयका सहसचिव छवि रिजालले जानकारी दिए । 

दुर्गा प्रसाईं नेतृत्वको समूहले तीनकुनेमा आन्दोलन गरेको थियो । त्यसक्रममा प्रहरी र प्रदर्शनकारीबीच दिनभर जसो झडप भएको थियो । 

त्यसको सुरुवात भने आन्दोलनको नेतृत्व गरेका प्रसाईं आफैं गाडी चलाएर प्रहरीको सुरक्षा घेरा तोडेर गरेका थिए ।  जनताको सुरक्षामा खटिएका सुरक्षाकर्मीलाई मार्ने नियतले जब सवारी चलाउनुभयो, त्यसपछि त्यहाँको स्थिति बिग्रिएको गृह मन्त्रालयले जनाएको छ ।

आन्दोलनका क्रममा भएका सबै घटनाको सुक्ष्म अध्ययन गरेको भन्दै मन्त्रालयका सहसचिव रिजालले कानुन उल्लंघन गर्नेहरुलाई कारबाही गर्ने बताएका छन् ।