3 Minute

पूर्व राजालाई झण्डै ८ लाख जरिवाना तिराउने काठमाडौं महानगरको निर्णय

नेपाल शो

शनिबार, चैत १६, २०८१

राजतन्त्र पक्षधरको आन्दोलनका नाममा फोहोर र तोडफोड गरेको भन्दै काठमाडौं महानगरपालिकाले पूर्वाराजा ज्ञानेन्द्र शाहलाई ७ लाख ९३ हजार रुपैयाँ जरिवाना तिराएको छ ।
चैत १५ गते तीनकुने क्षेत्रमा राजतन्त्र पक्षधरले गरेको प्रदर्शन उग्र हुँदै जाँदा २ जनाको मृत्यु भएको थियो भने १०० भन्दा धेरै घाइते भएका थिए ।
प्रदर्शनकारीले तीनकुनेमा सडक छेउका रेलिङ भाँचेका थिए भने निजी घरहरूमा ढुंगामुढा गर्नुका साथै आगजनी गरेका थिए ।
यो घटनामा पूर्वराजा ज्ञानेन्द्र शाहलाई जिम्मेवार बनाउनुपर्छ भनेर सार्वजनिक रुपमा आवाज उठिरहेका बेला काठमाडौं महानगरपालिकाले उनलाई जरिवानाको पत्र नै पठाएको हो ।

प्रकाशित मिति: शनिबार, चैत १६, २०८१