सुपर तमोरमा १९ अर्ब लगानी जुट्यो

काठमाडौं १६६ मेगावाट क्षमताको सुपर तमोर जलविद्युत आयोजनामा बैंकहरुले करिव १९ अर्ब रुपैयाँ लगानी गर्ने भएका छन् । 

आयोजनाको प्रवद्र्धक कम्पनी क्रिष्टल पावर डेभलपमेण्ट प्रालि र सहभागी बैंकहरुबीच वित्तीय व्यवस्थापनको सम्झौता भएको छ ।

आयोजनाको अनुमानित लागत २५ अर्ब रुपैयाँ छ । यसमध्ये ग्लोबल आइएमईको अगुवाईमा बैंकहरुले करिब १९ अर्ब रुपैयाँ बैंकहरुले लगानी गर्ने छन् । 

सम्झौता अनुसार ग्लोबल आइएमई बैंकले ५ अर्ब रुपैयाँ, सिद्धार्थ बैंकले ४ अर्ब रुपैयाँ, लक्ष्मी सनराइज बैंकले ४ अर्ब रुपैयाँ, प्रभु बैंकले ३ अर्ब ५० करोड रुपैयाँ, कृषि विकास बैंकले १ अर्ब ५० करोड तथा नेपाल एसबिआई बैंक १ अर्ब रुपैयाँ लगानी गर्ने छन् ।  

बाँकी २५ प्रतिशत रकम संस्थापक तथा अन्य लगानीकर्ताबाट लगानी व्यवस्थापन गरिनेछ । 

ताप्लेजुङ्गको फक्ताङलुङ गाँउपालिकाकास्थित तमोर नदीमा निमार्ण हुने जलविद्युत आयोजना ५ वर्ष भित्र निर्माण सम्पन्न गर्ने लक्ष्य छ । 

ग्लोबल आइएमई बैंकका प्रमुख कार्यकारी अधिकृत सुरेन्द्रराज रेग्मीले आयोजना निर्धारित समयभित्र सम्पन्न भई राज्यको उर्जा उत्पादन क्षमतामा वृद्धिहुने र निर्यात प्रवद्र्धनमा सहयोग पुग्ने विश्वास बैंकको रहेको बताए ।