स्पेनलाई रोक्ने भोजिन्हाको कथा

फुटबल खेल्ने सबैका कथा लेखिँदैनन् । तर, कहिलेकाहीँ फुटबलले नखोजिएका कथाहरु पनि लेख्न बाध्य पार्छ । अहिले धेरै खोजिएको कथा हो, फिफा वल्र्डकप २०२६ खेलिरहेका ‘भोजिन्हा’को । 

विश्वकपको मैदानमा थिए, फुटबलको महाशक्ति स्पेन र उदियमान काबो भेर्दे ।

स्पेनका स्टार खेलाडीहरु एकपछि अर्को आक्रमण गरिरहेका थिए, तर काबो भेर्देका ४० वर्षीय गोलकिपर भोजिन्हा पर्खाल बनेर उभिए । 

भेजिन्हाको फुटबल यात्रा कुनै चर्चित एकेडेमीबाट सुरु भएको पनि होइन । अरु खेलाडीले फुटबल करिअरमा उचाइ लिने समयसम्म त भोजिन्हाले अवसर समेत पाएनन् । 

तर, स्पेनविरुद्ध उनी जसरी खेले त्यसले एकाएक विश्वको ध्यान तानेको छ । एउटा खेलबाट यति धेरै चर्चा पाएका भोजिन्हा को हुन् ?

३ जुन १९८६ मा केबो भेर्देको सानो टापु मिन्देलोमा जन्मिएका उनी सानैदेखि हजुरबा–हजुरआमासँग हुर्किए । त्यसैले साथीहरुले उनलाई जिस्क्याउँदै ‘भोजिन्हा’ भन्ने गर्थे । पोर्चुगिज भाषामा ‘भोजिन्हा’ को अर्थ ‘हजुरआमा’ वा ‘बुढीआमा’ भन्ने हुन्छ । समयसँगै यही उपनाम उनको पहिचान बन्न पुग्यो ।

भोजिन्हाले कुनै चर्चित एकेडेमीबाट होइन काबो भेर्देको स्थानीय क्लब बाटुक एफसीबाट फटबल यात्रा सुरु गरे । अन्य खेलाडीहरु प्राय २५ वर्षको उमेरसम्म विश्व फुटबलमा स्थापित भइसक्छन् । तर भोजिन्हाले त्यो उमेरसम्म अवसर नै पाउन सकेनन् । 

तर पनि उनी हिम्मत हार्ने पक्षमा थिएनन् । सन् २०१२ मा क्यामरुनविरुद्ध राष्ट्रिय टोलीबाट डेब्यु गरे । त्यसयता उनले ८० भन्दा बढी अन्तर्राष्ट्रिय खेल खेलिसकेका छन् । उनले काबो भेर्देलाई पटक–पटक अफ्रिका कप अफ नेसन्समा पुर्‍याउन महत्वपूर्ण भूमिका निभाएका छन् ।

तर उनको करियरको सबैभन्दा ठूलो क्षण हो, २०२६ विश्वकप । विश्वकपमा पहिलो पटक पुगेको काबो भेर्देका लागि उनले स्पेनविरुद्ध ऐतिहासिक प्रदर्शन गरेका छन् । स्पेनको ७ वटा आक्रामक गोल रोक्दै भोजिन्हाले खेललाई गोलरहित बराबरीमा पुर्‍याए । यतिमात्र होइन, विश्वकप डेब्युमै भोजिन्हा म्यान अफ द म्याच बनेका छन् । 

खेलपछि उनी निकै भाबुक बनेका थिए । उनलाई हुर्काउने हजुरबा हजुरआमाको केही बर्षअघि निधन भयो । अहिले आफू विश्वकपमा खेलिरहेको यो क्षण देख्न नपाएको भन्दै उनले आफ्ना हजुरबाहजुरआमालाई सम्झिएका थिए । अनि आमालाई पनि भिसाको इस्युका कारण अमेरिका ल्याउन नपाएकाले उनी खिन्न थिए ।  

विश्वकपमा पहिलो पटक पुगेको राष्ट्र काबो भेर्दे १९७५ मा पोर्चुगलको उपनिवेशबाट स्वतन्त्र भएको हो । यसको कुल जनसंख्या करिब ६ लाख छ । 

हेर्नहोस् भिडियो