महालक्ष्मी विकास बैंकमा कफी लाउञ्जसहितको डिजिटल हब

महालक्ष्मी विकास बैंकले काठमाडौंको ज्ञानेश्वरमा कफी लाउञ्जसहितको डिजिटल हब रहेको बैंकको कार्यालय सुरुवात गरेको छ । 

शुक्रबार बैंक सञ्चालक समितिका अध्यक्ष राजेश उपाध्यायले कफी लाउन्जसहितको डिजिटल हब रहेको कार्यालय भवनको उद्घाटन गरे । 

बैकिङ सेवामा नवीनतम अवधारणाको प्रयोगको रुपमा कफी लाउञ्जको सुविधा थप गरिएको महालक्ष्मी बैंकले जनाएको छ । 

यो कार्यालयमा ग्राहकले आरामदायी वातावरणमा बसेर नगद जम्मा गर्ने, चेक क्लियरिङ गर्ने, नगद झिक्ने तथा अन्य विद्युतीय कारोबारहरुको सेवा लिन सक्नेछन् । 

कफी लाउञ्जसहितको डिजिटल हब मार्फत डिजिटल बैकिङ सेवा सम्बन्धी परामर्श समेत प्रदान गरिने बैंकले जनाएको छ ।