कुबार्सी कसरी छानिए फिफा योङ प्लेयर ?

धेरैको अनुमान थियो, यो विश्वकपमा योङ प्लेयरको अवार्ड लामिल यमालले जित्न सक्छन् । 

तर यामालले होइन, स्पेनकै १९ वर्षका डिफेन्डर पाउ कुर्बासीले पाए । 

सेन्टर ब्याक कुबार्सीको जिम्मा मैदानको सेन्टर भागबाट बल रोक्ने थियो । त्यो भूमिकामा उनी अब्बल सावित भए । 

कुबार्सीले यो विश्वकपमा स्पेनले खेलेका सबै ८ खेल खेले अनि ७ खेलमा क्लिनसिट राखे । अर्थात्, वल्र्डकपमै स्पेनले जम्मा १ गोल भन्दा खाएन, जसमा कुबार्सीको पनि महत्वपूर्ण भूमिका थियो ।

यो पुरस्कार विश्वकपभरि सबैभन्दा प्रभावशाली युवा खेलाडीलाई प्रदान गरिन्छ, र यसपटक कुबार्सीले आफ्नो परिपक्व खेलमार्फत यो सम्मान जित्न सफल भए ।

यामाल त फुटबलको स्टार भइसके । उनको तुलना विश्वकप फुटबलमा महान खेलाडीसँग हुन थालिसक्यो । त्यसैले पनि कुबार्सी यसका लागि डिजर्भिङ थिए ।

फाइनलमा अर्जेन्टिनाविरुद्ध पनि कुबार्सीको प्रदर्शन उत्कृष्ट रह्यो । लियोनेल मेसी नेतृत्वको अर्जेन्टिनाको आक्रमणलाई रोक्न उनले महत्वपूर्ण भूमिका खेले । 

यही उत्कृष्ट प्रदर्शनका कारण कुबार्सीले विश्वकप २०२६ को योङ प्लेयर अवार्ड पाए । 

विश्वकप उपाधिसँगै यो व्यक्तिगत पुरस्कारले पनि उनको करिअरमा नयाँ अध्याय थपेको छ । 

२००९ मा स्पेनको क्याटोलोनियामा जन्मेका पाउ कुबार्सी कुनै फुटबल लिगेसी परिवारबाट आएका होइनन् । कुबार्सीलाई बाल्यकालदेखि नै फुटबलप्रति गहिरो रुचि थियो । उनले ७ वर्षको उमेरमै जिरोना एफसीको एकेडेमीबाट फुटबल यात्रा सुरु गरे । ११ वर्षको हुँदा त  बार्सिलोनाको ला मासिया एकेडेमीमा पुगे । त्यहीँबाट उनको प्रतिभा चम्किन थाल्यो । 

सन् २०१८ मा बार्सिलोनाले उनलाई आफ्नो टोलीमा ल्यायो । त्यसपछि उनको फुटबल करिअरले उचाइ लिन सुरु गर्‍यो । 

ला मासियामा रहेर कुबार्सीले जुन किसिमको खेल खेले त्यसबाट प्रशिक्षकहरु प्रभावित भए । बलमाथिको नियन्त्रण, विपक्षीको रणनीति पढ्ने क्षमता, सटिक पास र दबाबमा पनि शान्त रहने स्वभावकै कारण उनले २०२४ मा बार्सिलोनाबाट डेब्यु गर्ने अवसर पाए । 

त्यसबेला उनी १७ वर्ष पुग्न चार दिन मात्रै बाँकी थियो । डेब्यु खेलमै उनले परिपक्व प्रदर्शन गर्दै प्रशिक्षक जाभीको विश्वास जिते । 

त्यसपछि बार्सिलोनाको नियमित पहिलो रोजाइका डिफेन्डर बनेका कुबार्सी स्पेनको राष्ट्रिय टोलीमा अवसर पाए । उमेर कम भए पनि प्रशिक्षक लुइस दे ला फुएन्तेले उनीमाथि ठूलो विश्वास राखेका थिए, जुन विश्वासलाई कुबार्सीले प्रमाणित गरिदिए । 

सही समयमा ट्याकल, उत्कृष्ट क्लियरेन्सजस्ता क्षमताले उनी टोलीका सबैभन्दा भरपर्दा डिफेन्डर बनेका थिए ।