महालक्ष्मी विकास बैंकलाई राइजिङ स्टार ग्रोथ अवार्ड 

काठमाडौं । महालक्ष्मी विकास बैंकले राइजिङ स्टार ग्रोथ अवार्ड पाएको छ । यो भारतको इन्डियन चेम्बर अफ कमर्स, कोलकत्ताले दिने प्रतिष्ठित अवार्ड हो ।

नयाँ दिल्लीमा आयोजित चौथो इमर्जिङ एसिया बैंकिङ कनक्लेभ एण्ड अवार्डस् कार्यक्रममा महालक्ष्मी विकास बैंकलाई उक्त अवार्ड दिइएको थियो । 

डिजिटल बैकिङ सेवा विस्तारका साथै नवीन वित्तीय उत्पादनहरुको विकास, वित्तीय पहुँचमा अभिवृद्धि तथा उत्तरदायी बैकिङमा उत्कृट काम गरेबापत महालक्ष्मीले यो अवार्ड पाएको हो । 

यसले अन्तर्राष्ट्रिय क्षेत्रमा बैंकको पहिचान स्थापित गर्न सहयोग पुग्ने महालक्ष्मी विकास बैंकको विश्वास छ ।