सम्बन्धविच्छेद गराउन पनि १० हजार घुस ! 

कर्मचारीले के के मा समेत घुस लिन सक्छन् भन्ने थाहा पाउनुभयो भने तपाईं दंगै पर्नुहुन्छ । 

झापाको गौरीगञ्ज नगरपालिका–१ का वडासचिवले श्रीमान श्रीमतीबीचको सम्बन्धविच्छेद गराउँदा पनि घुस लिएको भेटिएको छ । 

वडा सचिव अजयकुमार साह सम्बन्धविच्छेद प्रमाणपत्र जारी गर्न १० हजार रुपैयाँ घुस लिएको अवस्थामा रंगेहात पक्राउ परेका छन् । उनलाई अख्तियार दुरुपयोग अनुसन्धान आयोगको इटहरीस्थित कार्यालयको टोलीले पक्राउ गरेको हो । 

अख्तियारका प्रवक्ता सुरेश न्यौपानेका अनुसार घुस लिएको अवस्थामा वडा सचिव स्थानीय होटलबाट पक्राउ परेका हुन् । उनलाई अख्तियारले आफ्नो हिरासतमा राखेर अनुसन्धान गरिरहेको छ ।