आईपीएल भ्यालुएसन २० खर्ब भारु

इन्डियन प्रिमियर लिग (आईपीएल), यो विश्वकै सबैभन्दा धनी टी–२० लिग हो । यसको भ्यालुएसन कति पुग्यो होला ? 

अमेरिकाको हुलिहान लकि बैंकले गरेको एक भ्यालुएसन अनुसार यसको मूल्य २०.६ बिलियन डलर अर्थात् २० अर्ब ६० लाख अमेरिकी डलर पुगेको छ । इन्डियन रुपियाँमा हिसाब गर्दा त्यो भनेको करिब २० खर्ब हो । 

आईपीएलको भ्यालुएसन गत वर्ष भन्दा करिब ११ प्रतिशतले बढेको छ । 

सन् २००८ मा सुरु भएको आईपीएल विश्वका उत्कृष्ट क्रिकेटरले खेल्ने प्रतियोगिता हो । आईपीएलले ब्रोडकास्ट रेभिन्यू, स्पोन्सरसिप र फ्रेन्चाइज आदि शीर्षकमा आम्दानी गर्ने गरेको छ । 

आईपीएलमा यस वर्ष दुईवटा क्लबहरु रोयल च्यालेन्जर्स बेंगलुरु र राजस्थान रोयल्सको स्वामित्व परिवर्तन हुँदा पनि ठूलो आर्थिक कारोबार भएको छ ।

गत मार्चमा ब्ल्याकस्टोन, बोल्ट भेन्चर्स, आदित्य बिरला ग्रुप र टाइम्स अफ इन्डिया ग्रुपले रोयल च्यालेन्जर्स बेंगलुरु किनेका छन् । यसको मूल्य १ खर्ब ७८ अर्ब अमेरिकी डलर रहेको छ । 

त्यस्तै गत मे महिनामा मित्तल परिवार र अदर पुनवालाले १ खर्ब ६५ अर्ब अमेरिकी डलरमा राजस्थान रोयल्स किनेका थिए । 

आईपीएल २०२६ को ब्राण्ड भ्यालु सर्वेमा हुलिहान बैंकले भनेको छ, ‘फ्रेनचाइजको भ्यालुएसनले नयाँ उचाइ छोएको छ, निजी लगानी भित्रिरहेको छ र लिगको कमर्सियल इकोसिस्टममा निरन्तर विविधता आइरहेको छ ।’ 

नेपालमा पनि पछिल्लो २ वर्षदेखि नेपाल प्रिमियर लिग (एनपीएल) सञ्चालन भइरहेको छ । तर नेपालमा यस्ता प्रतियोगिताको ब्राण्ड भ्यालु कति हुन्छ भनेर हिसाब गर्ने चलन छैन । 

नेपालमा खेलाडीहरुको आम्दानी बढाउन र दशैंपछिको समयमा आर्थिक तथा व्यापारिक कारोबार बढाउन एनपीएलले निकै राम्रो भूमिका खेलेको छ ।