सात दलले बनाए संघीय लोकतान्त्रिक मोर्चा

२१ चैत, काठमाडौं । तराइ मधेश केन्द्रित सात दलले संघीय लोकतान्त्रिक मोर्चा (एफडीएफ) घोषणा गरेका छन् ।

बिहीबार काठमाडौंमा आयोजित कार्यक्रममा मोर्चामा आवद्ध सातै दलका शीर्ष नेताहरु उपस्थित थिए । मोर्चामा जनमत, जसपा नेपाल, लोसपा, नागरिक उन्मुक्ति, तमलोपा, जनता प्रगतिशील र राष्ट्रिय मुक्ति क्रान्ति पार्टी आवद्ध छन् ।

मोर्चाले २६ बुँदे अवधारणा पत्र र १३ बुँदे आचारसंहिता सार्वजनिक गरेको छ । 

नेताहरुका अनुसार मोर्चामा आवद्ध सबै दल समान हैसियतमा रहनेछन् । र, पालैपालो सम्बन्धित दलको संसदीय दल वा पार्टी कार्यालयमा बैठक बस्नेछ ।

जुन दलको कार्यालयमा बैठक बस्छ, त्यही दलको अध्यक्षले बैठकको अध्यक्षता गर्ने पनि सहमति छ । मोर्चामा आवद्ध भएका केही दल सरकारमा छन्, तर यसमा कुनै अप्ठ्यारो नपर्ने जनता प्रगतिशीलका नेता शिवजी यादवले बताए ।

हेर्नुहोस् मोर्चाको अवधारणापत्र र आचारसंहिता