अल्टिमाले ल्याउँदैछ नयाँ हेडफोन, अफरमा १९ रुपैयाँमै पाइने

तपाईं राम्रो साउन्ड दिने र कम्फर्टेबल हेडफोन खोज्दै हुनुहुन्छ ? 

त्यसो हो भने अल्टिमाले ल्याउन लागेको नयाँ वायरलेस हेडफोन तपाईंका लागि उपयुक्त हुन सक्छ । 

अल्टिमाले यही अगस्टको ८ तारेखमा अल्टिमा बास ४३० हेडफोन सार्वजनिक गर्दैछ । 

यो हेडफोन शक्तिशाली आवाज, लामो ब्याट्री ब्याकअप र दैनिक प्रयोगका लागि एकदमै कम्फर्टेबल रहेको अल्टिमाले जनाएको छ । 

यो हेडफोन गीत सुन्न, गेम खेल्न, फिल्म हेर्न र फोनमा कुराकानी गर्न उपयोगी छ ।

यो हेडफोनमा ६० घण्टासम्मको प्लेब्याक टाइम र ४० एमएम ड्राइभर सहित अल्टिमा सुप्रिम साउन्डको सुविधा छ । त्यस्तै गेमिङका लागि ४० एमएस लो लेटेन्सी बिस्ट मोड, स्थिर कनेक्टिभिटीका लागि ब्लुटुथ ५.४ र भ्वाइस एसिस्टेन्ट सर्भिसको सुविधा पनि छ । 

भिडियो कलमा कुरा गर्नेहरुका लागि यसमा भएको इन्भाइरोमेन्ट न्वाइज क्यान्सिलेसन (इएनसी) ले वरिपरिको आवाज कम गरी कलको क्वालिटी राम्रो बनाउँछ । 

अनि कान नदुखाउने नरम एयर कुसन र एडजस्टेबल र फोल्डेबल डिजाइन रहेको छ । 

अल्टिमा बास ४३० हेडफोन ७ अगस्टको बेलुका ८ बजे अल्टिमा डट कम डट एनपी र दराजमार्फत अनलाइन लञ्च हुनेछ । अनि अगस्ट ८ देखि दराजका आउटलेटहरुमा पाइनेछ । 

यो हेडफोनको बजार मूल्य २ हजार ९९९ रहेको छ । तर लञ्चका अवसरमा अल्टिमाले विभिन्न अफरहरु पनि घोषणा गरेको छ ।

अल्टिमा डट कम डट एनपी र दराज प्लाटफार्ममा सुरुका १९ जना ग्राहकले जम्मा १९ रुपैयाँमै हेडफोन किन्न पाउँछन् । यो अफर जो सुरुमा गयो उसैले पाउनेछ । 

१९ रुपैयाँको अफर सकिएपछि प्रत्येक प्लाटफार्मका थप १९ जनाले यो हेडफोन ४९९ रुपैयाँमा किन्न सक्नेछन् । 

त्यसैगरी अगस्ट ८ तारेखमा अल्टिमाका देशभरिका ९ वटा आउटलेटमा सुरुका ३/३ जना ग्राहकले पनि १९ रुपैयाँमै किन्न पाउनेछन् । त्यसपछि किन्दा भने यो हेडफोनको मूल्य २ हजार ९९९ रुपैयाँ पर्छ ।

यो हेडफोन खल्ती, जीवी, फोनप्वोइन्टस् र पठाओ बजारमार्फत पनि किन्न सकिन्छ ।