राप्रपालाई भृकुटीमण्डपमा आमसभा गर्न स्थानीय प्रशासनले दिएन अनुमति 

२४ चैत, काठमाडौं । स्थानीय प्रशासनले राप्रपाको विरोध सभाको स्थान परिर्वतन गरिदिएको छ । जिल्ला प्रशासन कार्यालय, काठमाडौंले राप्रपालाई भृकुटीमण्डपको सट्टा सिफल चौर वा बल्खुमा कार्यक्रम गर्न भनेको छ । 

राप्रपाले चैत २६ गते बाग्मती प्रदेशस्तरीय आमसभा भृकुटीमण्डपमा राखेको थियो । 

प्रशासन कार्यालयका अनुसार राप्रपाले शुक्रबार अपरान्ह मात्र इमेलमार्फत कार्यक्रमबारे जानकारी गराएको थियो । तर त्यहाँ शिक्षक आन्दोलन, राष्ट्रिय जनमोर्चाको कार्यक्रम पूर्व निर्धारित रहेकाले भृकुटीमण्डपमा अनुमति दिएन । 

कार्यालयले आइतबार राप्रपालाई पठाएको पत्रमा सिफल चौर वा बल्खुमा कार्यक्रम गर्न भनेको छ । 

हेर्नुहोस् प्रशासन कार्यालयको पत्र