‘काम गर्नेभन्दा विगार्ने धेरै भए’

३१ चैत, काठमाडौं । नेपाल राष्ट्रिय टिमका पूर्वकप्तान पारस खड्का क्रिकेट संघको सचिव निर्वाचित भएको १८ महिना भयो । यो अवधिमा नेपाली क्रिकेटले देखिने गरी फड्को मारेको छ । नेपाल प्रिमियर लिगको पहिलो सिजन नै भव्य भयो । खेलाडीहरुले पाउने सेवा सुविधादेखि पूर्वधार निर्माणले समेत गति लिन थालेको छ ।

तर सचिव खड्का भने अझै पनि सबैको सहयोग पाउन नसकेको महसुस गर्छन् । आजको दिनसम्म जसोतसो विवादरहित बनाउन सकेको भन्दै उनले भने, यसलाई बढी नै विगार्ने प्रयास भइरहेको छ ।’ 

सम्वादको केही अंश 

• डिसिजन मेकिङ पोजिसनमा छु म । जिम्मेवारी लिएर अगाडि बढ्न अठोट लिँदा अध्यक्षदेखि सबैको सहयोग पनि पाएको छु । तर चुनौती पनि छ । किनकी हाम्रो देशमा काम नहुँदासम्म कसैलाई मतलब हुन्न । हुन थालेपछि सबैको आँखा ठूलाठूला हुन्छन्, इच्छाहरु जाग्न थाल्छन् । 
• आजको दिनसम्म जसोतसो संगठनलाई विवादरहित बनाउन सफल भएका छौं । तर यसलाई बढी नै विगार्ने प्रयास भइरहेको छ । 
• क्रिकेट संघ र फ्रेन्चाइज टिमबीच कुनै विवाद छैन । तर विनिङ एमाउन्ट पाएको छैन, फ्रेन्चाइज पे गरेको छैन भनेर कन्ट्रोभर्सी क्रिएट गर्न खोजिएको छ । 
• एउटा निश्चिय समयपछि टिकटबाटै फ्रेन्चाइज टिम धन्न सकिने अवस्था आउँछ । 
• तेस्रो संस्करणबाट चाहिँ टीयूबाहेक अरु स्थानमा पनि खेल हुनसक्छ । 
• स्टुआर्ट लले नेपाल छान्नुभयो, यसमा हामी आभारी छौं । उहाँले हामीलाई अर्को तहमा पुर्‍याउने कोसिस गर्नुहुन्छ होला । 
• महिला क्रिकेटले १२ मा ८ महिना खेल्ने वातावरण सिर्जना भएको छ । तर अहिले नै रिजल्टले मूल्यांकन गर्न मिल्दैन ।