'युवा पुस्ताले हिजोको दु:ख थाहै पाएन'

नेकपा एमालेका उपमहासचिव हुन् प्रदीप ज्ञवाली । नेपाल शोसँगको कुराकानीमा उनले व्यक्त गरेका धारणा : 

• राजतन्त्र र लोकतन्त्र सँगै लैजान सकिन्छ कि भनेर नेपालमा दुई दुई पटक प्रयोग भयो । 
• २००७ सालमा आन्दोलनकारीहरुले राजालाई ल्याएर गद्दीमा राखे । १० वर्षमै राजाले मुलुकलाई तानाशाहीतिर लगे ।
• त्यसपछि लोकतन्त्रमा फर्काउन ३० वर्ष लाग्यो । २०४६ सालमा दलहरुले फेरि सम्झौता गरे । राजालाई संवैधानिक दायरामा ल्याए । तर २०६१ सालमा तत्कलिन राजा ज्ञानेन्द्रले फेरि निरंकुशतातिर लगे । 
• त्यसैले अब प्रष्ट भएको छ, राजतन्त्र र लोकतन्त्र सँगै जान सक्दैन । 
• नेपाल अस्थिरताको चक्रब्यूहबाट बाहिर आउनै सकेन । जनअपेक्षा अनुसार काम नहुँदा मानिसमा गुनासोहरु देखिएका छन् । 
• राजतन्त्र कालमा गणतन्त्र माग्नु भनेको छातीमा गोली माग्नु हुन्थ्यो । तर गणतन्त्रमा राजतन्त्र माग्नेलाई सरकारले सुरक्षा दिएर प्रदर्शन गर्न दिन्छ ।