कक्षा १२ को परीक्षा प्रक्रियामा सहभागी नहुन शिक्षक महासंघको निर्देशन

नेपाल शिक्षक महासंघले कक्षा १२ को परीक्षालाई सहयोग नगर्न शिक्षक र विद्यालय कर्मचारीलाई आग्रह गरेको छ । 

मंगलबार बसेको राष्ट्रिय परीक्षा बोर्डले शिक्षकहरु आन्दोलनमा भए पनि कक्षा १२ को परीक्षा नरोक्ने निर्णय गरेको थियो । बरु निजामती कर्मचारी परिचालन गरेर भए पनि परीक्षा सञ्चालन गर्ने बोर्डको तयारी छ । 

बोर्डको निर्णयपछि मंगलबार नेपाल शिक्षक महासंघको पनि बैठक बसेको थियो । बैठकले परीक्षाको प्रक्रियामा कुनै हालतमा सहभागी नहुन प्रधानाध्यापक, शिक्षक र विद्यालय कर्मचारीलाई आग्रह गरेको छ । कक्षा १२ को परीक्षा वैशाख ११ गतेदेखि हुँदैछ । 

परीक्षा केन्द्र परेको विद्यालयका प्रधानाध्यापक र शिक्षकहरुलाई राष्ट्रिय परीक्षा बोर्डका पदाधिकारी र जिल्ला प्रशासन कार्यालयबाट धम्की दिइएको भन्दै महासंघले आपत्ति जनाएको छ । 

महासंघका अध्यक्ष लक्ष्मीकिशोर सुवेदी र महासचिव तुलाबहादुर थापाले जारी गरेको विज्ञप्तिमा कक्षा १२ को परीक्षाका केन्द्राध्यक्षलाई पनि सडक आन्दोलनमा आउन आग्रह गरिएको छ । 

हेर्नुहोस् महासंघको विज्ञप्ति