3 Minute

मान्छेसँगै म्याराथन दौडने चाइनिज रोबोट

नेपाल शो

मंगलबार, वैशाख ९, २०८२

गत शनिबार चीनमा विश्वकै पहिलो ह्युमनोइड हाफ म्याराथन आयोजना गरिएको थियो । यो हाफ म्याराथनमा मानिसहरु र रोबोटहरु सँगसँगै दौडिएका थिए ।
बेइजिङको इकोनोमिक– टेक्नोलोजिकल डेभलपमेन्ट एरियामा भएको हाफ म्याराथनमा २० भन्दा बढी रोबोटहरुले भाग लिएका थिए । तीमध्ये ६ वटा रोबोटले पुरै २१ किलोमिटर दौड पूरा गरेर धेरैलाई अचम्ममा पारिदिए ।
तर कुनै पनि रोबोटले मान्छेलाई जित्न भने सकेन । बेइजिङ ह्युमनोइड रोबोट इनोभेसन सेन्टरले विकास गरेको तियान गङ अल्ट्रा रोबोटले २ घण्टा ४० मिनेटमा म्याराथन पूरा गर्‍यो ।
रोबोटले हाफ म्याराथन पार गर्न लगाएको समय मानिसले पार गर्न लगाएको भन्दा करिब २ घण्टा बढी हो ।

प्रकाशित मिति: मंगलबार, वैशाख ९, २०८२