जम्मु कश्मिरमा आतंकवादी हमलामा मारिएका नेपाली बुटवलका

मंगलबार भारतको जम्मु–कश्मिरमा आतंकवादी आक्रमणबाट मारिएका सुदीप न्यौपाने बुटवलको भएको खुलेको छ ।

सोमबार जम्मु–कश्मिरको पहलगाममा आतंकवादी समूहले पर्यटकहरुको समूहमाथि आक्रमण गरेका थिए । घटनामा कम्तिमा २७ जनाको मृत्यु भएको भारतीय सञ्चार माध्यमहरुले जनाएका छन् । मृतकमध्ये एक नेपाली पनि छन् ।

उनी बुटवल ११ कालिकानगरमा सुदीप न्यौपाने हुन् । बुटवल उपमहानगरपालिका–१४ का वडाध्यक्ष दधिराम न्यौपानेका अनुसार सुदीप उनका आफन्त समेत हुन् । 

सुदीप, आमा रिमा पाण्डे, दिदी सुश्मा र भिनाजु उज्ज्वल काफ्लेसहित घुम्न कश्मिर गएका थिए । 

त्यसक्रममा आतंककारी आक्रमणमा परे । बन्दुकधारीहरुले त्यहाँ भएका मानिसहरुलाई कुन धर्मको हो भनेर सोध्नेर गोली हानेका थिए । सुदीपले पनि ज्यान गुमाए । 

सुदीपसँगै गएका तीन जना भने सकुशल छ । उनीहरु दिल्ली भएर काठमाडौं आउने तयारीमा छन् । 

वडाध्यक्ष न्यौपानेका अनुसार मृतक सुदीपको शव पनि नेपाल ल्याउने तयारी तयारी भइरहेको छ ।