ललितपुरले जित्यो एनएसएलको उपाधि 

नेपाल सुपर लिग २०२५ को उपाधि ललितपुर सिटी एफसीले जितेको छ । पोखरा थन्डर्सलाई २–१ ले हराउँदै ललितपुरले लगातार दोस्रो सिजन पनि एनएसएलको उपाधि जितेको हो । 

शनिबार दशरथ रंगशालामा भएको खेलमा ललितपुरलाई जिताउन दुबै गोल विदेशी खेलाडीले गरे ।

४२ औं मिनेटमा इमो इजेकेलको गोलमा ललितपुरले अग्रता लिएको थियो । ६४ औं मिनेटमा पोखराका सुदिल राईले गोल गर्दै खेल बराबरीमा ल्याएका थिए । तर ७४ औं मिनेटमा ललितपुरका पापा केबेले गोल गरे । त्यसपछि खेलमा कुनै गोल नभएपछि ललितपुर बिजयी भयो । 

ललितपुरले नेपाल सुपर लिगमा अपराजित रहँदै उपाधि जितेको हो । 

बिजेता ललितपुरले ८० लाख रुपैयाँ पुरस्कार पाउनेछ । उपबिजेता पोखराले ३० लाख रुपैयाँ पाउनेछ ।