दोस्रो चरणको प्रशिक्षणका लागि २५ क्रिकेट खेलाडी छनोट

नेपाल क्रिकेट संघ (क्यान) ले विश्व क्रिकेट लिग डिभिजन टु को तयारीका लागि २५ जना खेलाडी छनोट गरेको छ ।

क्यानले प्रशिक्षणको दोस्रो फेजका लागि कप्तान रोहित पौडेलको कप्तानीमा २५ जना खेलाडी छनोट गरेको हो ।

नेपाली क्रिकेटका नवनियुक्त मुख्य प्रशिक्षक स्टुअर्ट ल ले मूलपानी मैदानमा भएको प्रशिक्षणमा रहेका ५३ जनामध्येबाट २५ जना छनोट गरेका हुन् । 

जसमा आसिफ शेख, कुशल भुर्तेल, अनिलकुमार साह, भीम सार्की, दीपेन्द्र सिंह ऐरी, गुल्सन झा, अर्जुन साउद, बसिर अहमद, दिलिप नाथ, आरिफ  सेख, युवराज खत्री, किरण ठगुन्न्ना छन् ।

त्यस्तै सन्दीप लामिछाने, ललितनारायण राजवंशी, सहाब आलम, सोमपाल कामी, करण केसी, नन्दन यादव, प्रतीश जिसी, रिजन ढकाल, आकाश चन्द, रुपेश कुमार सिंह, लोकेश बम र शुभ कंसाकार पनि २५ जनाको सूचीमा परेका छन् ।

अब मुख्य प्रशिक्षक लले यही २५ जनाबाट बेलायत भ्रमणमा जाने नेपाली टिमको छनोट गर्नेछन् । बेलायत र स्कटल्याण्डमा गरी नेपालले कुल ६ वटा अभ्यास खेल खेल्नेछ । अभ्यास खेल जेठ २ गतेबाट सुरु हुनेछ ।