3 Minute

हावाहुरी चलेपछि फेवातालमा फसेका ८ जनाको उद्दार

नेपाल शो

सोमबार, वैशाख २२, २०८२

हावाहुरी चलेपछि फेवातालमा फसेका ८ जनाको उद्दार

डुंगा चढेका बेला एक्कासी हावाहारी र पानी आएपछि पोखराको फेवातालमा डुबेका एक युवकलाई सशस्त्र प्रहरी बलले उद्दार गरेको छ । त्यस्तै हावाहुरी चलेपछि तालमै डुंगामा फसेका अन्य ७ जनाको पनि उद्दार गरेको छ ।

बोटिङ गर्ने क्रममा चितवनको भरतपुर महानगरपालिका–५ का २१ वर्षका रेशम थापा फेवातालमा डुबेका थिए । उनको सशस्त्र प्रहरी बलको फेवाताल रेस्क्यू टावरमा रहेका गोताखोरसहितको टोलीले उद्दार गरेको हो ।

त्यस्तै कायाक बोटमा बोटिङ गरिरहेका अर्का १ जना र डुंगामा बोटिङ गरेका अन्य ६ जनालाई पनि हावाहुरी र पानी आउन थालेपछि उद्दार गरिएको सशस्त्र प्रहरी बलका सहप्रवक्ता डीएसपी शैलेन्द्र थापाले जानकारी दिए ।

प्रकाशित मिति: सोमबार, वैशाख २२, २०८२