आईपीएल स्थगित

भारतमा सञ्चालन भइरहेको क्रिकेट प्रतियोगिता इन्डियन प्रिमियर लिग (आईपीएल) स्थगित भएको छ ।

भारतको क्रिकेट बोर्ड बीसीसीआईले भारत र पाकिस्तानबीच सीमा क्षेत्रमा भएको तनावका कारण आईपीएल स्थगित गरेको हो । बिहीबार राति पञ्जाब किंग्स र दिल्ली क्यापिटलबीचको खेल सुरक्षाकै कारण देखाएर बीचमै स्थगित गरिएको थियो ।

खेल स्थगित भएपछि शुक्रबार बिहान दुबै टिमका खेलाडीहरु दिल्ली फर्किँदा पनि जहाजबाट नआई विशेष सुरक्षा व्यवस्था गरिएको रेलबाट फर्किएका थिए।

आईपीएलको यो सिजनमा ५८ खेल भइसकेका थिए भने १२ वटा बाँकी थिए । ती बाँकी खेलहरु लखनउ, हैदरावाद, अहमदावाद, दिल्ली, चेन्नई, बेंगलुरु, मुम्बई, जयपुर आदि ठाउँमा हुने तालिका थियो ।