भारत र पाकिस्तानबीच युद्धबिराम

भारत र पाकिस्तान तत्काल युद्धबिराम गर्न सहमत भएका छन् । युद्धबिराम शनिबार अपरान्ह ५ बजेदेखि लागू भएको छ । 

अमेरिकी राष्ट्रपति डोनाल्ड ट्रम्पले सामाजिक सञ्जाल ट्रुथमा एक स्टाटस लेख्दै अमेरिकाको लामो प्रयासपछि भारत र पाकिस्तान तत्काल युद्धबिराम गर्न सहमत भएको दाबी गरेका छन् । जसलाई भारत र पाकिस्तान दुबै देशका अधिकारीहरुले स्वीकार गरेका छन् । 

डोनाल्ड ट्रम्पले भनेका छन्, ‘धेरै रातसम्म गरिएको अमेरिकाको मध्यस्थतापछि म यो भन्न पाउँदा खुशी छु कि, भारत र पाकिस्तान तत्कालै र पूरा युद्धबिराम गर्न सहमत भएका छन् । 

उनले युद्धबिरामका लागिभारत र पाकिस्तान दुबैले परिपक्व व्यवहार देखाएको भन्दै ट्रम्पले धन्यवाद पनि दिएका छन् । 

पाकिस्तानका उपप्रधानमन्त्री इशाक दरले पनि युद्धबिरा मगर्न सहमत भएको पुष्टि गरेका छन् । 

उनले भनेका छन्, ‘पाकिस्तानले आफ्नो सार्वभौमसत्ता र क्षेत्रीय अखण्डतामा सम्झौता नगरी सधैं यस क्षेत्रमा शान्ति र सुुरक्षाका लागि सधैं प्रयासरत छ ।’

दुई हप्ताअघि भारतको जम्मुकश्मिरमा आतंकवादी समूहको आक्रमणमा परी २६ जनाको मृत्युको थियो । त्यस घटनाको बदला भन्दै भारतले वैशाख २४ गते पाकिस्तानमाथि आक्रमण गरेको थियो । त्यसपछि पाकिस्तानले पनि जवाफी कारबाही गर्दा दुबै देशबीच युद्ध चलेको थियो ।