काग्रेस सांसद माया राईविरुद्ध पनि सहकारी ठगीको मुद्दा

स्वर्णलक्ष्मी सहकारीमा वचतकर्ताको रकम ठगीको आरोपमा कांग्रेस सांसद माया राईविरुद्ध मुद्दा दर्ता भएको छ । जिल्ला सरकारी वकिल कार्यालय काठमाडौंले राईविरुद्ध ठगी र संगठित अपराधको मुद्दा दायर गरेको हो । 

यो सहकारीको रकम ठगीमा राष्ट्रिय स्वतन्त्र पार्टीका सभापति रवि लामिछाने, सहकारीका पदाधिकारीसहित ३९ जनाविरुद्ध २०८१ साल पुस २१ गते नै नै मुद्दा दायर भइसकेको थियो । तर सहकारीको तत्कालिन सहसचिव माया राईविरुद्ध भने मुद्दा दर्ता भएको थिएन । 

सत्तारुढ दलको सांसद भएका कारण मुद्दा नलगाइएको भन्दै आलोचना भएपछि प्रहरीले राईलाई वैशाख १३ गते पक्राउ गरेको थियो । उनीमाथि अनुसन्धानपछि अदालतमा मुद्दा दायर गरेको जिल्ला सरकारी वकिल कार्यालय काठमाडौंका सहन्यायाधिवक्ता रामहरि शर्मा काफ्लेले जानकारी दिए ।