मध्यपहाडी लोकमार्ग यात्रामा माओवादी, नेताहरु पुगे डडेल्धुरा

हुलाकी राजमार्गको यात्रा सकेर नेकपा माओवादी केन्द्रले मध्यपहाडी लोकमार्गको राजनीतिक यात्रा सुरु गर्दैछ । 

मध्यपहाडी लोकमार्गको यात्राका लागि माओवादी नेताहरु जेठ १ गते डडेल्धुरा पुगेका छन् । उनीहरु जेठ २ गते बैतडीको पाटनमा पुगेर मध्यपहाडी लोकमार्ग जनजागरण अभियान सुरु गर्नेछन् । 

मध्यपहाडी लोकमार्ग यात्रामा माओवादीले हरेक जिल्लामा कम्तीमा एउटा ठूलो सभा आयोजना गर्नेछ । 

जेठ २ गते बैतडीको पाटनबाट सुरु हुने यात्रा जेठ ३ गते अछामको मंगलसेन पुग्नेछ । 

जेठ ४ गते दैलेख, जेठ ५ गते जाजरकोट, जेठ ६ गते पश्चिम रुकुमको चौरजहारी र मुसिकोटमा कार्यक्रम हुनेछ । 

जेठ ७ गते रुकुम पूर्व र रोल्पाको थवाङमा कार्यक्रम हुनेछ । जेठ ८ गते बागलुङ, ९ गते पर्वत र जेठ १० गते पोखरामा सभा हुनेछ । त्यसपछिको कार्यक्रम भने पछि घोषणा गर्ने माओवादीले जनाएको छ । 

यसअघि माओवादी केन्द्रले फागुन र चैतमा मधेशलाई आधार बनाएर हुलाकी राजमार्गमा यात्रा गरेको थियो ।