शिक्षा विधेयकमा शिक्षक महासंघको ११ बुँदे असहमति

विद्यालय शिक्षा विधेयकमाथि शिक्षा, स्वास्थ्य तथा सूचना प्रविधि समितिको उपसमितिले बनाएको प्रतिवेदनमा शिक्षक महासंघले आपत्ति जनाएको छ । 

आन्दोलनको मर्म र विगतका सहमति बिर्सेर कतिपय सवालमा प्रतिवेदन प्रस्तावित विधेयक भन्दा पनि पश्चगमनतर्फ उन्मुख भएको महासंघको आरोप छ । 

उपसमितिले प्रतिवेदन बुझाएपछि त्यसबारे छलफल गर्न सोमबार महासंघको बैठक बसेको थियो । 

बैठकपछि महासंघका अध्यक्ष लक्ष्मीकिशोर सुवेदी र महासचिव तुलाबहादुर थापाले जेठ ६ गते एक विज्ञप्ति निकालेर उपसमितिले बनाएको प्रतिवेदनमाथि आफ्नो धारणा सार्वजनिक गरेका छन् । 

महासंघले प्रतिवेदन हुबहु पास भएमा शिक्षण पेशाप्रति झन् वितृष्णा र विकर्षण बढाउने दाबी गरेको छ ।  

अब समितिमा हुने छलफलबाट शिक्षक–कर्मचारीविरोधी प्रबन्धहरु हटाउन र विगतका सहमति कार्यान्वयन गर्न माग गरेको छ । नभए गत चैत–वैशाखमा भएको भन्दा पनि कडा आन्दोलन गर्ने चेतावनी दिएको छ । 

उपसमितिको प्रतिवेदनमा शिक्षक महासंघको धारणा के छ त ? थप विवरण भिडियोमा  :