रास्वपाले बजेट ल्याउँदा संसद अवरोध नगर्ने 

राष्ट्रिय स्वतन्त्र पार्टीले बजेट प्रस्तुत हुने दिन संसद अवरोध नगर्ने बताएका छन् । 

मंगलबार र बुधबार राष्ट्रिय स्वतन्त्र पार्टीसहित विपक्षी दलले गृहमन्त्रीको राजीनामा माग गर्दै संसद अवरोध गरेका छन् । 

भिजिट भिसामा विदेश जानेहरुसँग रकम असुलेको विषयमा त्रिभुवन विमानस्थल अध्यागमन कार्यालयका प्रमुख तीर्थराज भट्टराई पक्राउ परेपछि गृहमन्त्री रमेश लेखकमाथि पनि प्रश्न उठेको छ । 

गृहमन्त्रालय मातहतको निकायमाथि अनुसन्धान हुने भएकाले गृहमन्त्रीले राजीनामा दिनुपर्ने विपक्षी दलहरु माओवादी केन्द्र र रास्वपाको भनाइ छ । 

आफूहरुको संसद अवरोधका कारण बजेट नै रोकिन्छ कि भन्ने चिन्ता नलिन रास्वपा सांसद मनिष झाले आग्रह गरेका छन् । उनले संसद भवन नयाँ बानेश्वरमा पत्रकारहरुसँग भने, ‘हामी बजेट रोक्दैनौं, त्यति राजनीतिक सुझबुझ देआउँछौं ।’