'गुणस्तरमा नेपाल विश्वविद्यालय मानक बन्नेछ'

नेपाल शो

शनिबार, जेठ १७, २०८२

यो पडकास्टमा हामीले नेपाल विश्वविद्यालयका रजिस्ट्रार डा. सूर्यराज आचार्यसँग कुराकानी गरेका छौं ।

नेपाल विश्वविद्यालय छिट्टै सञ्चालन हुन लागेको नेपालको अर्को नयाँ विश्वविद्यालय हो । यो विश्वविद्यालयलाई सबै हिसाबमा नेपालको मानक विश्वविद्यालय बनाउने यसमा संलग्न अधिकारीहरुले बताएका छन् ।

रजिस्ट्रार डा. सूर्यराज आचार्यले यस कुराकानीमा व्यक्त गरेको मुख्य विषयहरु बुँदामा हेर्नुहोस् :

अहिले नेपालको स्कुल र विश्वविद्यालयमा भइरहेको पढाइ अन्तर्राष्ट्रिय स्तरमा प्रतिस्पर्धा गर्न सक्षम रहेनछ ।
राम्रो ज्ञान प्राप्तिका लागि राम्रो विश्वविद्यालय, राम्रा कक्षाकोठा, गुणस्तरीय पाठ्यक्रम र प्राध्यापकहरु चाहिन्छन् ।
हाम्रा मेधावी युवाहरुको जुन प्रतिभा र सम्मान हो, राज्यको प्रणालीले त्यसलाई प्रष्फुटन हुन दिएको रहेनछ ।
विश्वविद्यालयको शिक्षाले व्यक्तिलाई सक्षम बनाउनुपर्‍यो, खदिलो ज्ञान दिनुपर्‍यो । उसले सिकेको कुरा भविष्यमा कुनै पेशा व्यवसाय गर्दा देखिनुपर्‍यो, आत्मविश्वासका साथ जब मार्केटमा जोडिन सक्नुपर्‍यो ।
नेपालको शिक्षा प्रणालीलाई सुधार गर्न अहिले भइरहेका विश्वविद्यालयलाई सुधार्नुपर्छ, तर अहिलेका विश्वविद्यालयलाई सुधार्ने प्रक्रिया लामो पनि हुन सक्छ, कठिन पनि हुन सक्छ । त्यसकारण एउटा मानक बन्ने विश्वविद्यालय बनाउन नेपाल विश्वविद्यालय स्थापना गरेका हौं ।
नेपाल विश्वविद्यालयको पहिलो शैक्षिक कार्यक्रम २०८३ भदौमा सञ्चालन गर्ने तयारी छ ।
नेपाल विश्वविद्यालयका सबै विद्यार्थी र प्राध्यापकहरु आवासीय हुनेछन् ।
विश्वविद्यालयले अरु क्याम्पसलाई सम्बन्धन दिँदैन, देशभरमा जम्मा ४–५ वटा क्याम्पस रहनेछ । एउटा क्याम्पस काठमाडौंमा पनि रहनेछ ।

थप कुरा भिडियोमा :

प्रकाशित मिति: शनिबार, जेठ १७, २०८२